Tibb Universitetinin Tədris Terapevtik Klinikasına yeni təyin olunmuş direktorunun adı açıqlanıb 

Nazirliyin mətbuat xidmətindən Lent.az-a bildiriblər ki, yeni direktorun adı bu gün nazirlikdə keçirilən kollegiya iclasında elan olunub. Klinikaya yeni direktor təyin olunmuş Musayev Surxay Novruz oğlu 1974-cü ildə Azərbaycan Dövlət Tibb İnstitutunu fərqlənmə diplomu ilə bitirib. 1989 – 1992 illərdə Moskva Tibb Akademiyasının uşaq xəstəlikləri kafedrasında doktoranturada olub və tibb elmləri doktoru alimlik dərəcəsi üçün dissertasiya müdafiə edib. 1992-ci ildən bu günə kimi ATU-da I uşaq xəstəlikləri kafedrasında professor vəzifəsində çalışır.