ABŞ «informasiya müharibəsində «Əl-Cəzirə» telekanalına, həmçinin Çin və Rusiyaya uduzur. Bu barədə ABŞ Konqresində çıxış edən dövlət katibi Hillari Klinton bildirib.

«Soyuq müharibə zamanı biz ABŞ təbliğatının həyata keçirilməsi sahəsində əla iş görmüşük. Lakin Berlin divarı çökdükdən sonra biz özümüzə dedik ki, «bəsdir. Hər şeyi eləmişik».İndi ona görə pis vəziyyətdəyik», deyə Klinton bəyan edib.

Dövlət katibi əlavə edib ki, ABŞ informasiya müharibəsi şəraitindədir və onu uduzur. «Əl-Cəzirə qalib gəlir. Çinlilər müxtəlif dillərdə yayım həyata keçirən qlobal televiziya şəbəkəsini yaradıblar. Ruslar ingilisdilli kanal yaradıblar. Mən bunu bir neçə ölkədə görmüşəm və bu çox ibrətamizdir. Bizim təsirimiz isə azalır», deyə o əlavə edib.