2 Mart, 2011
Nazir: “Məktəb tikintisinə ayrılan vəsaitlər yetərli deyil”

Misir Mərdanov: “Təhsil müəssisələrində tikinti və təmir işlərinin həcmi ayrılan vəsaitdən daha böyükdür”

Bu ilin Dövlət İnvestisiya Proqramında Təhsil büdcəsində bütövlükdə tikinti və təmir üçün 80 milyon manatdan çox vəsait nəzərdə tutulub. 

Simsar.az-ın məlumatına görə, təhsil Naziri Misir Mərdanov jurnalistlərə açıqlamasında belə deyib. Onun sözlərinə görə bu il ayrılmış vəsaitlərin təxminən 50 milyon manata yaxın hissəsi ötən ildən təmiri və tikintisi yarımçıq qalmış təhsil müəssisələrində inşaat işlərinin davam etdirilməsinə xərclənəcək. Yerdə qalan 33 milyon manatı isə yeni məktəb binalarının tikintisinə sərf olunacaq.

Bununla belə, nazir məktəb tikintisi üçün ayrılan vəsaitin həcminin bir qədər artırılacağını gözlədiklərini deyib. Onun sözlərinə görə, 80 milyon manat təhsil müəssisələrində tikinti və təmir işlərinin aparılması üçün yetərli deyil: “Çünki işin həcmi daha böyükdür və bu vəsaitlə ən zəruri tikinti işlərinin hamısını həyata keçirmək mümkünsüzdür”.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!