İsveçli fotoqrafın Suriyada çəkdiyi bu şəkil UNİCEF tərəfindən “2013-cü ilin şəkli” seçilib. Suriyadakı vətəndaş müharibəsindən əziyyət çəkən uşaqların şəkillərini çəkən Niklas Hammarstromun Hələbdə çəkdiyi həmin şəklin qəhrəmanı 11 yaşlı Daniya Kilsi evinin qarşısında oyun oynayarkən həmin əraziyə bombalı hücum edilib. Hammarstrom onu 2012-ci ilin oktyabr ayında yaralı olaraq gətirildiyi Dar əl Şəfa xəstəxanasında obyektivinin hədəfinə çevirib.

Berlində təşkil edilən mükafatlandırma mərasimində çıxış edən UNİCEF-in Almaniya üzrə rəhbəri Daniel Şadt bildirib ki, “Uşağın baxışı bütöv bir nəslin itib batmaması üçün dünyaya siyasi və insani cəhdlərin artırılması üçün mesajdır”.

Qeyd edək ki, fotonun müəllifi olan Niklas Hammarstrom noyabr ayında repartyor Maqnus Falkhedlə birgə qaçırılmışdı. Ancaq daha sonra onlar hər ikis azad edilmişdi.

Simsar.az