1 Mart, 2011
ATƏT sədri Azərbaycana martın 13-də gələcək

ATƏT-in fəaliyyətdə olan sədri, Litvanın xarici işlər naziri Audronyus Ajubalis martın 13-də Azərbaycana gələcək.

Bu barədə APA-ya ATƏT-in Bakı ofisindən məlumat verilib. ATƏT sədri rəsmi görüşlərə martın 14-də başlayacaq. Görüşlərin proqramı hazırda hazırlıq mərhələsindədir. Audronyus Ajubalis Azərbaycandan Gürcüstana gedəcək. 


Xatırladaq ki, ATƏT sədri bundan əvvəl APA-ya verdiyi açıqlamada Cənubi Qafqaza martın üçüncü ongünlüyündə gələcəyini bildirmişdi. Səfər çərçivəsində Audronyus Ajubalis dövlət başçıları, xarici işlər nazirləri, vətəndaş cəmiyyətinin nümayəndələri ilə görüşəcək. Səfər çərçivəsində əsas müzakirə mövzularından biri Dağlıq Qarabağ münaqişəsinin nizamlanması olacaq. Xatırladaq ki, bu, Audronyus Ajubalisin ATƏT sədri postunda regiona ilk səfəridir.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!