TRT Xocalı soyqırımı günü ermənilərlə dost oldu.

Türkiyənin TRT1 telekanalı türklərə qarşı son 100 ildə törədilmiş ən dəhşətli soyqırım olan Xocalı faciəsinin anım günündə ermənilərlə dostluğu təbliğ edən veriliş yayımlayıb.

Simsar.az-ın məlumatına görə, bu gün TRT1 kanalında yayımlanan Pusula proqramı əvvəldən axıra qədər türk-erməni dostluğuna həsr olunub. İki xalq arasında dostluq münasibətlərinin qurulması, biznes əlaqələrinin vacibliyi, həmçinin vətəndaş cəmiyyətlərinin və biznes strukturlarının bu dostluq münasibətlərinin qurulmasındakı rolundan bəhs edilib.

Ən acınacaqlısı odur ki, verilişə nikbin notlarla  özü də erməni milli geyimli xalq çalğı alətləri ansamblının ifasında Sarı gəlin mahnısının notları ilə yekun vurulub.

Qars Valiliyinin dəstəyi ilə hazırlanmış proqramın hazırlayanı və aparıcısı TRT-nin əməkdaşı Midhət Bərəkətdir.