Vüqar Bəyturan deyir ki, DUİ fəaliyyətdədir 

Mediada Demokratiya Uğrunda İttifaqın fəaliyyətinə xitam verilməsi informasiyası yayılıb. DUİ Sədrlər Şurasının üzvü Vüqar Bəyturan yayılan informasiyalara aydınlıq gətirmək üçün açıqlama ilə çıxış edib.  
V.Bəyturan yayılan informasiyanın həqiqəti əks etdirmədiyini bildirib: ”DUİ-yə daxil olan partiyalar 22 fevral tarixində fövqəladə toplantı keçirib. Səbəb KXCP-nin DUİ-nin qərarını pozaraq İctimai Palatada təmsil olunmaq haqqında qərar verməsi olub. Böyük Azərbaycan Partiyası buna etiraz olaraq DUİ-dən ayrıldığını bəyan etdikdən sonra bu qurumda qalan 3 partiyadan biri-KXCP təklif edib ki, DUİ buraxılsın. Səs çoxluğu ilə DUİ-nin buraxılması barədə qərar qəbul edilməyib. KXCP DUİ-də fəaliyyətini dayandırıb, MQP və Azadlıq Partiyaları isə DUİ-də qaldıqlarını bəyan edib. Bundan sonra KXCP mətbuat xidməti DUİ-nin buraxılması barədə razılaşdırılmamış və həqiqəti əks etdirməyən məlumat yayıb».

DUİ təmsilçisi bir partiyanın dörd partiya adından qərar vermək hüququ olmadığını bildirir: «Biz DUİ-dəyik, DUİ-yə 3 partiya da üzvlük üçün müraciət edib”.

RAMİL