Bu gün səhər İsrail və ABŞ Kaliforniya ştatının sakit okean sahillərində İsrailin "Til" ("raket" - ibranicə ) anti-raket sisteminin sınağını keçiriblər.
SalamNews xəbəri İsrailin ha-Arets agentliyinə istinadən yayıb.
Müdafiə Nazirliyinin verdiyi xəbərə görə, ofşor platformasında qalxmış raketi "Til" anti-raket sistemi müəyyənləşdirmiş və məhv etmişdir.
Ekspertlərin fikirincə, bu testin əsas məqsədinin İsrailin İran təhlükəsinə qarşı atdığı addımdır. Belə ki, sınaqdan keçirilən anti-raket sistemi İsraili və Orta Şərqdəki amerikan bazalarını İranın Şahab 3 raketlərindən müdafiə etməsi üçün nəzərdə tutulub.
Qeyd edək ki, bu İsrailin heç də ilk anti-raket sınağı deyil. Lakin bugünkü sınağın uğurla başa çatması İsrailin ballistik raketdən müdafiəsinin kifayət qədər etibarlı olduğunu göstərib.