“Neftçi”nin və Azərbaycan milli komandasının futbolçusu Amit Quluzadə Almaniyada əməliyyat olunub.

19 yaşlı yarımmüdafiəçi klubun rəsmi saytına açıqlamasında əməliyyatın uğurla keçdiyini bildirib. 

Artıq Vətəndə olan Quluzadə fevralın 22-dən yüngül məşqlərə başlayacaq. O, bərpa prosesindən sonra tezliklə komandasının sıralarına qoşulmaq istədiyini açıqlayıb.

Qeyd edək ki, Amit Quluzadə ötən ay Türkiyənin “Fənərbağça” klubunun düşərgəsində olsa da, “sarı-lacivərdlilər”lə anlaşa bilməyib. Ardından o, yığmamızın Dubay toplantısına qatılıb. Lakin həmin vaxt zədəli olduğundan, Quluzadənin əməliyyat olunmasına zərurət yaranıb. Bu səbəbdən, gənc futbolçu Birləşmiş Ərəb Əmirliklərindən birbaşa Almaniyaya yollanıb.