Azərbaycan Respublikası Prezidenti yanında Strateji Araşdırmalar Mərkəzinin (SAM) direktoru Elxan Nuriyev tutduğu vəzifəsindən azad edilib.

Bu barədə məlumatı Simsar.az xəbər portalına SAM-ın mətbuat xidmətinin rəhbəri Anar Hüseynov verib. Onun sözlərinə görə, Azərbayca Respublikasının Prezidenti İlham Əliyev Elxan Nuriyevin tutduğu vəzifədən azad edilməsi barədə Sərəncamı bu il yanvarın 21-də imzalayıb. SAM-ın direktoru vəzifəsinə hələlik yeni təyinat olmayıb və onun vəzifələrini müvəqqəti icra edən şəxs yoxdur. Hal-hazırda SAM-a direktor müavini Gülşən Paşayeva rəhbərlik edir.

Xatırladaq ki, Elxan Nuriyev Prezident İlham Əliyevin sərəncam ilə 2008-ci il fevralın 8-də Azərbaycan Respublikasının Prezidenti yanında Strateji Araşdırmalar Mərkəzinin direktoru vəzifəsinə təyin edilmişdi.