Prezident İlham Əliyev Azərbaycan Respublikasında 2011-ci ilin “Turizm ili” elan edilməsi haqqında sərəncam imzalayıb.

Sərəncam Azərbaycanda turizmin daha da inkişaf etdirilməsi və turizm fəaliyyəti üçün əlverişli şəraitin yaradılması zərurətini nəzərə alınaraq, turizm ehtiyatlarından səmərəli istifadə olunmaqla zəngin coğrafi landşafta malik ölkəmizin təbiət abidələrinin və eləcə də xalqımızın qədim mədəni-tarixi irsinin geniş miqyasda tanıdılmasının təmin edilməsi məqsədi ilə imzalanıb.

Nazirlər Kabinetinə 2011-ci ilin Azərbaycanda “Turizm ili” elan edilməsinə dair tədbirlər planını hazırlayıb bir ay müddətində prezidentə təqdim etmək tapşırılıb.