Simsar.az dailymail.co.uk saytına istinadən xəbər verir ki, Ohayo ştatının Klivlend şəhərində 21 qoçaq Ginnesin rekordlar kitabına düşmək üçün özlərini yandırıb.

Oddan və istidən qorunmaq üçün xüsusi geyim geyinən qoçaqlar yandırılmağa hazır olublar. Onların üstünə xüsusi yanıcı maye tökülmüşdü. Onlara 1500-dən artıq insan baxırdı. Yandırmaq üçün hazır duranların arasında qoçaqların həyat yoldaşları da var idi. Keti Simon adlı qadın öz həyat yoldaşını “yandırdıqdan” sonra verdiyi müsahibədə deyib: “Mən düşünəndə ki, onun üzərinə yanıcı maddə tökülüb biraz qorxurdum şamı onun üzərinə yaxınlaşdırmağa. Amma alovlanması bir az sevindirici idi”.  
Bir az yandıqdan sonra alovları söndürülən qoçaqlardan heç biri zərər çəkməyib. Onlar rekordun uğurlu alındığa çox seviniblər. Qeyd olunmuş yerə yanğınsöndürən və təcili yardım cəlb olunsa da onlara ehtiyac olmayıb. Rekord qeydə alınıb.

Xatırladaq ki, bundan əvvəlki rekord zamanı 17 nəfər özünü yandırmışdı.


Mələk Abbaszadə