“Əhalinin təhlükəsiz istirahəti üçün əlimizdən gələni edirik”

Hələ 2006-cı il, mayın 18-də Bulvarda “şeytan çarxı” adlandırılan fırlancaqdan yıxılan ana və körpə uşağı həlak olmuşdu. Bulvarda baş verən hadisə əhali arasında ciddi narahatlığa səbəb olmuşdu. 

Bakıdakı attraksionlar, uşaqların əyləncə vasitələrinin təhlükəsizliyi həmişə narahatlıq yaradır. Elə buna görə də çoxları risk etməməyi, uşaqlarını yelləncəklərə mindirməməyi üstün tuturlar.

İnsanların istirahətini təmin edən bu yelləncəklərin dəniz kənarında yerləşdiyi üçün nəm çəkmə və paslanma ehtimalı yüksəkdir.
Simsar.az məsələylə bağlı saytı Dənizkənarı Milli Bulvar İdarəsinin rəis müavini Nazim Məcidovla danışıb.

Dənizkənarı Milli Bulvar İdarəsinin rəis müavini Nazim Məcidovun Milli Parkdakı karusellərin vaxtaşırı təmir olunduğunu bildirir:

- 2008-ci il yanvarın 10-dan bu günə kimi heç bir təhlükləli hadisə baş verməyib. Bulvarda yerləşən attraksion və yelləncəklərin təhlükəsizliyinə tam cavabdehik. Bulvar İdarəsinin tabeçiliyində milli park müəssisəsi var. Həmin müəssisəyə Fövqəladə Hallar Nazirliyi nəzarət edir. Bulvar idarəsiylə nazirliyin müqaviləsi var, vaxtaşırı gəlib yoxlayırlar.
Attraksionların hamısına nəzarət olunur. Bu attraksionlar dəniz kənarında yerləşdiyi üçün nəm çəkirlər. Onlara nəzarət edənlərin də məsulliyəti böyükdür. Buna görə də biz, əhalinin, uşaqların təhlükəsiz istirahəti üçün əlimizdən gələni edirik.

Aynurə