Hindistanlı sahibkarlar azərbaycanlı iş adamları ilə ticarət əlaqələri yaratmaq niyyətindədir.

Hindistan Sənaye Konfederasiyası (Cİİ) Azərbaycandakı iş adamları ilə ticarət əlaqələri yaratmaq niyyətindədir. Azərbaycan Türkiyə İş Adamları Birliyinin (ATİB) ictimaiyyətlə əlaqələr şöbəsindən ANS PRESS-ə verilən məlumata görə, bu məqsədlə Hindistan iş adamları bu il martın 14-15-də Azərbaycana gələcəklər.

Qeyd edək ki, Hindistan Sənaye Konfederasiyası kimyəvi preparatlar, nasos və mühərriklər hazırlayan zavod və fabrikləri, müxtəlif sahələrdə Hindistanın aparıcı şirkətlərini təmsil edir.