.

Bakıda dünyanın ən böyük layihələrinindən biri tikilir. Dənizkənarı Bulvarda inşa olunacaq dünyanın ən böyük attraksionu -"Şeytan Çarxı" yaxın günlərdə istifadəyə veriləcək.

Simsar.az xəbər verir ki, Dənizkənarı Bulvar İdarəsinin rəis müavini Nazim Məcidovun ANS PRESS-ə verdiyi məlumata görə,
Əl Oyunları Sarayı ilə Bayraq Meydanının arasında tikilən attraksionun hündürlüyü 60 metr olacaq. Təkərin üstündə 30 vaqon olacaq. Hər vaqonda isə 8 nəfər əyləşə bilər. "Şeytan çarxı" eyni vaxtda 240 nəfərə xidmət edəcək.

Hazırda tikinti işlərinin sürətlə davam etdiyini deyən N. Məcidovun sözlərinə görə, attraksion bu ilin oktyabr ayında tikilib təhvil veriləcək. "Şeytan Çarxı" üçün lazım olan materiallar isə Niderland Krallığından gətirilib.

Layihənin dəyərinə gəlincə, Nazim Məcidov qoyulan vəsaitin həcmini açıqlamaq istəmədi. Attraksionun qiyməti isə tikilib hazır olandan, biletlər hazırlanandan sonra məlum olacaq.