1

Simsar.az xəbər verir ki, Bakı Dövlət Universitetinin professoru Süleyman Əliyarlı Ümumdünya Türk Xalqları Konqresinin fəxri prezidenti və Ağsaqqallar Şurasının sədri seçilib. O, eyni zamanda Türk Dünyası Araşdırmalar Akademiyasının akademiki seçilib. Hər iki qurumun diplomları Bakıda Yəhya Yusif Caniyar tərəfindən Süleyman Əliyarlıya təqdim edilib. Professor Əliyarlı bu titullara türk xalqlarının ümumi tarixinin, mədəniyyətinin və adət-ənənələrinin araşdırılmasında verdiyi töhfələrə görə layiq görülüb.

Qeyd edək ki, Süleyman Əliyarlı 1930-cu il dekabrın 18-də Beyləqan rayonunun Şahsevən kəndində anadan olub. 1954-cü ildə Moskva Dövlət Universitetini fərqlənmə diplomu ilə bitirib. 2000-ci ildə Türk Tarix Qurumunun fəxri üzvü seçilib. 50-dən çox elmi məqalə, 7 monoqrafiya, 8 kitab müəllifidir.

Aynur Bayramova