İran Sərhəd Polisinin rəhbəri general Hüseyn Zülfüqarinin başçılıq etdiyi nümayəndə heyəti Azərbaycanda rəsmi səfərdədir.
Bu barədə APA-ya İranın Azərbaycandakı səfirliyinin mətbuat xidmətinin rəhbəri Abbas İsgəndəri məlumat verib: “Səfər zamanı iki ölkə arasında sərhəd məsələləri və bəzi problemlər müzakirə ediləcək. Bu kimi görüşlər İran və Azərbaycan sərhəd xidmətlərinin rəhbərləri arasında tez-tez keçirilir. Görüşdə Xəzər dənizinin təhlükəsizliyi barədə müzakirələr olacaq”.
A. İsgəndəri general Hüseyn Zülfüqarinin Azərbaycana Dövlət Sərhəd Xidmətinin rəisi general-leytenant Elçin Quliyevin dəvəti ilə gəldiyini deyib. O, iranlı generalı keçirəcəyi görüşlərdə region ölkələri barədə də müəyyən müzakirələrin aparılacağını deyib. İranlı generalın Azərbaycanın yüksək vəzifəli şəxsləri ilə görüşü də gözlənilir.