Fevralın 4-də, saat 16.00-da Binə qəsəbə Mədəniyyət Mərkəzində korrupsiya ilə mübarizə tədbirləri çərçivəsində Bakı Şəhər Mədəniyyət və Turizm İdarəsi şəbəkəsinə daxil olan mədəniyyət müəssisələri rəhbərlərinin toplantısı keçiriləcək.

İdarədən Lent.az-a verilən məlumata görə, toplantıda "Korrupsiyaya qarşı mübarizə haqqında" Azərbaycan Respublikasının Qanununa əməl olunması və bu qanundan irəli gələn korrupsiya ilə əlaqədar hüquqpozmaların aşkar edilməsi, qarşısının alınması və nəticələrinin aradan qaldırılmasına, sosial ədalətin, insan və vətəndaş hüquqlarının və azadlıqlarının müdafiə olunmasına, iqtisadiyyatın inkişafı üçün əlverişli şəraitin yaradılmasına, vəzifəli şəxslərin fəaliyyətinin qanuniliyinin, şəffaflığının və səmərəliliyinin təmin edilməsinə yönələn məsələlərin həll edilməsinə dair müzakirələr keçiriləcək.