3 Fevral, 2011
Azərbaycan bu “Eurovison”da iştirak etməyəcək

Bu ilin dekabrın Ermənistanın paytaxtı İrəvanda uşaqlar arasında “Eurovison” beynəlxalaq mahnı yarışması keçiriləcək. Maraqlıdır, Azərbaycan həmin yarışmaya qatılacaqmı?

Modern.az-ın əməkdaşı bu sualla Azərbaycanda “Eurovison” beynəlxalq mahnı yarışmasına hazırlıq işlərinin təşkilatçılarından olan İctimai Televiziyaya müraciət edib.
İctimai Teleradionun İctimaiyyətlə əlaqələr və monitorinq şöbəsinin müdiri Tahir Məmmədov deyib ki, Azərbaycan indiyədək uşaqlar arasında keçirilən bu beynəlxalq yarışmaya qatılmayıb.
“Bu il də iştirakımız nəzərdə tutulmayıb. Hazırda Azərbaycanda potensiallı uşaqlar çoxdur, amma professional şəkildə pop uşaq musiqisi ilkə məşğul olan uşaqlar və ya uşaq qrupları yoxdur. İstənilən yarışa qatılmaq üçün yüksək professionalllıq tələb olunur. Uğur əldə edə bilməyəcəyimiz yarışmaya qatılmaq bizim pirinsiplərimizə ziddir”.

T.Məmmədov bildirib, “Eurovison” uşaq yarışmasnda iştirak etmək üçün real potensial olanda Azərbaycan da bu tədbirə qatılacaq.

Onun sözlərinə görə, Azərbaycanın bu yarışmada iştirak etmək hüququ var və gələcəkdə iştirak edə bilər. Amma hazırda Azərbaycanın “Eurovision” uşaq mahnı yarışmasında iştirakı planlaşdırılmır.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!