3 Fevral, 2011
Türkiyə paytaxtında partlayış baş verib, ölənlər və yaralananlar var

Türkiyənin paytaxtı Ankara şəhərində yerləşən Ortadoğu Sənaye və Ticarət Mərkəzindəki (OSTİM) müəssisələrin birində şiddətli partlayış baş verib.

APA-nın Türkiyə xəbər agentliklərinə istinadən verdiyi məlumata görə, partlayış nəticəsində 4 mərtəbəli binanın 2 mərtəbəsi çöküb. 

Rəsmi dövlət orqanları hadisədə 2 nəfərin öldüyünü, 24 nəfərin yaralandığını, yaralılardan 4-nün durumunun ağır olduğunu açıqlayıblar. Ərazinin bələdiyyə sədri isə 4 nəfərin öldüyünü deyib. Bəzi işçilərin dağıntılar altında qaldığı güman olunur. Ölənlərin sayı arta bilər.

Partlayışın generator istehsal olunan sexdə təbii qaz sızıntısı nəticəsində baş verdiyi bildirilir. Hadisə yerində xilasedicilər çalışır.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!