HƏBS OLUNANIN HƏYAT YOLDAŞI: "TÖVLƏNİ TƏMİZLƏYİRDİM SİLAH TAPDIM XƏBƏR VERMƏYƏ QOYMADILAR"

Artıq xəbər verildiyi kimi, dünən axşam Masallı rayonunun Xıl kəndinin axundu Hacı Fəramərz Abbasov həbs edilib. Yerli mənbələrin Turana verdiyi məlumata görə, Abbasovun həyat yoldaşı tövləni təmizləyərkən orada silah olduğunu görüb. Həbs olunanın həyat yoldaşının dediklərindən: "TÖVLƏNİ TƏMİZLƏYİRDİM SİLAH TAPDIM XƏBƏR VERMƏYƏ QOYMADILAR cəmi 10-15 dəqiqə sonra heç bir yerə xəbər verməyə macal tapmamış çox sayda polis həyətə töküldü"

Daha sonra polislər Boradigah qəsəbəsinə gedərək, orada hüzr məclisində olan F.Abbasovu həbsə alıblar. Bu həbsə etiraz olaraq Masallı rayonunun 300-ə yaxın sakini bir neçə saat poils şöbəsinin önündə etiraz aksiyası keçirib. Daha sonra polis zor gücünə insanları oradan dağıdıb. Zor tətbiq edilməsi nəticəsində bir neçə nəfər xəsarət alıb. Xatırladaq ki, yanvarın 7-dən Azərbaycan İslam Partiyasının 10-a yaxın fəalı silah saxlamaq və terror hazırlamaq ittihamı ilə həbs ediliblər.