“Simsar” - ın baş redaktoru Təranə Vəlizadənin aşını çox da bəyənmədi

Simsar.az saytı və “Simsar” jurnalının baş redaktoru İradə Nurəddinqızı Space Radioda “Güllü qonoq” verilişinin iştirakçısı olub. Verlişın aparıcıları Anar və Familin digər qonağı isə əməkdar artist Təranə Vəlizadə olub. Hər şənbə günü verlişin formatına görə bir sənətçi yemək bişirib gətirməli, digər jurnalist qonaq və aparıcılar isə həmin yeməyi qiymətləndirməlidirlər. Bu dəfə Tərənə Vəlizadənin bişirdiyi plov müzakirə obyektinə çevrilib. İ. Nurəddinqızı qazmağın çox qızardıldığını desə də plovun dadlı alındığını bildirib. Verilişdə sənətçilərin mətbəx məharətlərindən də danışılıb. T. Vəlizadənin – “Kim necə oxuyursa, elə də yemək bişirir” – ifadəsini İ. Nurəddinqızı və verilişin aparıcıları Anarla Famil birmənalı qarşılamayıb. Bu fikrə Anarın - “Yaxşı ki, Mənzurə Musayevanın bişirdiyi plovu yemirik”- deməsi isə müzakirəni daha da qızışdırıb.