.
Türkmənistan bu il beynəlxalq Novruz bayramı tədbirlərinə ev sahibliyi edəcək. Simsar.az-ın məlumatına görə, 21 martda qeyd olunacaq Novruz bayramı mərasimlərində Türkiyə, İran, Tacikistan, Əfqanıstan kimi bir çox ölkələrin səlahiyyətli şəxslərinin iştirakı gözlənilir.
Türkmənistan prezidenti Qurbanqulu Berdiməhəmmədov mərasimlərin həyata keçiriləcəyi Ahal yaylasına baş çəkərək, aparılan işlərlə tanış olub. Q.Berdiməhəmmədov xalq oyunları və müxtəlif tədbirlərin keçiriləcəyi yerlərin layihələri haqqında məlumat alıb. Lider Novruzun Türkmən xalqının qədim adətlərindən olduğunu qeyd edərək, mərasim zamanı ölkəyə xas oyunların səhnələnməsini istəyib.