.

Azərbaycanda 2016-cı ildə orta aylıq əmək haqqının 563 manat təşkil edəcəyi gözlənilir. Simsar.az-ın məlumatına görə, bu göstərici hökumətin yaxın illər üçün hazırladığı proqnozlarda əksini tapıb.

Proqnozlara əsasən, 2013-cü ildə bu göstərici 402 manat, 2014-cü ildə 440 manat, 2015-ci ildə 478 manat olacaq. Müqayisə üçün bildirək ki, 2012-ci ildə orta aylıq əmək haqqının məbləği 363 manat səviyyəsində proqnozlaşdırılır.

Beləliklə, əmək haqqının real artım tempi 2012-ci ildə 5,7 faiz, 2013-cü ildə 3,9 faiz, 2014-cü ildə 3,3 faiz, 2015-ci ildə 4,3 faiz, 2016-cı ildə isə 4,2 faiz təşkil edəcək.

Müqayisə üçün bildirək ki, 2012-ci il üçün inflyasiya 4,7 faiz, 2013-cü il üçün 5,7 faiz, 2014-cü il üçün 5,2 faiz, 2015-ci il üçün 4,0 faiz, 2016-cı il üçün isə 4,2 faiz səviyyəsində proqnozlaşdırılır.