Azərbaycan prezidenti abidənin önünə əklil qoyub

Azərbaycan prezidenti İlham Əliyev Belarus Respublikasına rəsmi səfəri çərçivəsində Minsk şəhərindəki “Qələbə” meydanında 1941-1945-ci illər Böyük Vətən müharibəsində Qələbə şərəfinə ucaldılmış abidəni ziyarət edib.

Meydanda Azərbaycan prezidentinin şərəfinə fəxri qarovul düzülmüşdü. Prezident İlham Əliyev abidənin önünə əklil qoyub.

Azərbaycanın və Belarusun dövlət himnləri səslənib.