7 Avqust, 2012
İlin birinci yarısı dəmir yolları ilə 11 milyon ton yük daşınıb

Göstərilən dövrdə dəmir yolu stansiyalarından 1,36 milyon nəfər yola salınıb

İlin I yarısında "Azərbaycan Dəmir Yolları" QSC 11,1 milyon ton yük daşıyıb. Simsar.az-ın  məlumatına görə, bu barədə çərşənbə axşamı QSC-nin sədri Arif Əsgərovun rəsmi mətbuatda dərc edilən məqaləsində deyilir.

2011-ci ilin yekunları üzrə bu göstərici 22,1 milyon manat təşkil edib.

"Daşınan yüklərin ümumi həcmindən daxili yük daşımalarının payına 2,3 milyon ton, ixrac əməliyyatlarına 1,9 milyon ton, idxal əməliyyatlarına 3,1 milyon ton, tranzit yüklərinə 3,8 milyon ton düşür", - Əsgərov deyib.

Onun sözlərinə görə, I yarımillikdə ölkənin dəmir yolları stansiyalarından 6,7 milyon ton yük göndərilib ki, onlardan 4,6 milyon tonu neftdaşıyan yüklərin payına düşüb. Xüsusən tranzit neftinin payına 2,5 milyon ton düşüb.

Cari ilin ilk yarısının yekunları üzrə sərnişin daşımalarının ümumi həcmi 1,39 milyon nəfər təşkil edib. Xüsusən göstərilən dövrdə dəmir yolu stansiyalarından 1,36 milyon nəfər yola salınıb.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!