30 May, 2012
Naxçıvanda poliklinikanın açılışı olub

Açılışda prezident İlham Əliyev də iştirak edib 

 Mayın 30-da akademik Zərifə Əliyeva adına Naxçıvan şəhər poliklinikası istifadəyə verilib. Simsar.az-ın məlumatına görə, açılışda prezident İlham Əliyev də iştirak edib.

Dövlət başçısı poliklinikanın rəmzi açılışını bildirən lenti kəsib.

Poliklinikada 66,2 min sakinə xidmət göstərən 12 sahə terapevti fəaliyyət göstərir.

Poliklinikaya laboratoriya üçün avtoanalizatorlar, rentgen, elektrokardioqrafiya, ultrasəslə müayinə aparatları, lor və cərrahiyyə üçün müayinə, eləcə də cərrahi alətlər dəsti, göz kabineti üçün şirim lampası, binokulyar lupa, oftalmoskop və digər zəruri avadanlıq verilib. Burada 37 həkim, 56 orta tibb işçisi və 31 kiçik tibb işçisi çalışır.

Prezident yaradılan şəraitlə tanış olub.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!