Yasamal sakini itini tapana 50 manat vəd edir 

Paytaxtın Yasamal rayonu, Ş.Ələsgərov küçəsində it itib. Küçə boyu divarlara vurulan elanlar diqqətimizi çəkdi. Elanda qeyd olunan nömrəyə zəng vurub itin hansı şəraitdə itməsilə maraqlandıq. 

İtin sahibi Vüsal Cəfərov simsar.az-a bildirib ki, Pudel cinsindən olan iti 200 manata Bakının heyvan bazarından alıb: “İt dünən günorta itib. Evdə ustalar işləyir. Qapını açıq qoyublar. İt həyətdən çıxıb. Qonşu iti tapıb. Amma yiyəsinin kimliyini bilmədiyi üçün onu buraxıb. Mən də iti tapmaq üçün məhəlləyə elan vurmuşam”. 

V.Cəfərov iti tapana 50 manat mükafat vəd edir: “Əgər itimi gətirib verməsələr, polisə şikayət edəcəm”

RAMİL