Bakı Şəhər Təhsil İdarəsinin sektor müdiri:“Eurovision-2012” mahnı müsabiqəsi Bakı məktəblərində dərs prosesinə heç bir təsir göstərməyəcək”
Bu ilin mayında Bakıda keçiriləcək “Eurovision-2012” mahnı müsabiqəsi ilə əlaqədar paytaxt məktəblərində dərslərin vaxtından əvvəl dayandırılacağına dair məlumatlar dolaşırdı. Qeyd olunurdu ki,
yarışmaya görə, məktəblilər mayın 1-də yay tətilinə buraxılacaqlar.
Yayılam məlumatlara aydınlıq gətirmək üçün Bakı Şəhər Təhsil İdarəsinin sektor müdiri Zəminə Əliqızı ilə əlaqə saxladıq. Z.Əliqızının sözlərinə görə, artıq 2011-2012-ci dərs ili təsdiq olunmuş tədris planına uyğun olaraq keçiriləcək. Yəni dərslər plana uyğun olaraq 2011-ci il sentyabrın 15-də başladığı kimi, mayın 31-də də yekunlaşacaq.
Z.Əliqızı əlavə etdi ki, “Eurovision-2012” mahnı müsabiqəsi Bakı məktəblərində dərs prosesinə heç bir təsir göstərməyəcək.
Sektor müdirinin dediyinə görə, yarışma axşam saatlarında keçiriləcək və bu da dərslərin gedişinə, məktəblilərin hərəkətinə maneə olmayacaq.
RUSLAN