Gözü yolda Xocalım...” adlı əbəbi-bədii kompozisiya keçiriləcək

24 fevral tarixində “İçərişəhər” Dövlət-Tarix Memarlıq Qoruğu İdarəsi Xocalı faciəsinin 20 illiyi ilə əlaqədar anım tədbirləri təşkil edəcək. Nazirlər Kabineti yanında “İçərişəhər”Dövlət Tarix-Memarlıq Qoruğu İdarəsindən Simsar.az-a verilən məlumata görə, “Şirvanşahlar Sarayı Kompleksi”ndə Azərbaycan Dövlət Mədəniyyət və İncəsənət Univertsitetinin müəllim və tələbə heyəti tərəfindən “Gözü yolda Xocalım...” adlı əbəbi-bədii kompozisiya keçiriləcək və Xocalı faciəsinə həsr edilmiş sərgi nümayiş etdiriləcək. Tədbirdə ziyalılar, hərbçilər, şəhid anaları və faciəni öz gözləri ilə görmüş Xocalı sakinləri iştirak edəcək.

“İçərişəhər” tarixi muzeyi tərəfindən Bülbül adına Orta İxtisas Musiqi Məktəbində 190 saylı orta məktəbin şagirdləri tərəfindən hazırlanmış və bu faciəvi günə həsr edilmiş əbəbi-bədii kompozisiya keçiriləcək.