2 Fevral, 2012
Bu gün hava belə olacaq!

Qar, külək, şaxta

Azərbaycan ərazisində qarlı, çovğunlu, şaxtalı hava şəraiti davam edəcək. Sabah günorta saatlarından isə Abşeron yarımadasında yağıntıların fasilə verəcəyi gözlənilir. Bu barədə APA-ya Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun Qısamüddətli proqnozlar şöbəsinin rəisi Elmira Həmidova bildirib. Onun sözlərinə görə, güclü şimal küləyi sabah günorta mülayimləşəcək: “Fevralın 5-dən şaxtalı hava şəraitinin davam edəcəyi gözlənilir. Amma yağıntılar gözlənilmir, ölkə ərazisində ən kəskin hava şəraiti bu gün olacaq”.

E. Həmidova deyib ki, sabah gündüz saatlarından Qərb rayonlarında yağıntılar kəsiləcək. Bakı şəhəri və Abşeron yarımadasında havanın temperaturu, gündüz 0-3 dərəcə, gecə 5-7 dərəcə şaxta olacaq. Dağlıq rayonlarında havanın minimal temperaturu gündüz 1-6 dərəcə, gecə 12-17 dərəcə şaxta, Aran rayonlarında gündüz saatlarında 0-3 dərəcə, gecə 4-8 dərəcə şaxta təşkil edəcək.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!