Qərar İspaniyada keçiriləcək quş festivalı ilə bağlı verilib

Quş qripinə görə bir sıra Avropa ölkələrində və Türkiyədə quşların təyyarə ilə daşınmasına qoyulan qadağa aradan qaldırılıb.

Simsar.az-ın məlumatına görə, 2007-ci ildən qüvvədə olan qadağa üzündən ölkələr quşları quru yolla İspaniyaya aparmalı olublar. İspaniyada 30 min quş arasında keçiriləcək müsabiqəyə qatılan ölkələrdə quşların təyyarələrlə daşınmasına icazə verilib.

Festivalda iştirak üçün Türkiyədən 302 quş İstanbul-Madrid reysi ilə İspaniyaya aparılıb.

İspaniyada yüz illərlə davam edən bu yarışmada bütün parametrlər üzrə quşlara səs verilir. Quşun rəngi, boy-buxunu, gözəl, qamətli görünüşü, xoş səsi və s. üstünlüklərinə münsiflər heyəti tərəfindən qiymət verilir.

Çox bal toplayan quşlar yarışmada yer tuturlar.

RUSLAN