26 Dekabr, 2011
“Soros” Fondununun fəaliyyətini hökumət dayandırmayıb”

Vüqar Bayramlı Corc Sorosa istinadən bəyanat verib

“Soros” Fondunun Azərbaycanda fəaliyyətini dayandırmasında hökumətin rolunun olması haqda bir sıra mətbuat orqanlarında məlumatlar yer alıb. Qeyd olunur ki, xarici donorlardan ölkəni tərk etmək, və ya yalnız hökumətyönlü Qeyri Hökumət Təşkilatlarını (QHT) maliyyələşdirmək tələb olunub. Soros Fondu bu tələbdən imtina edib və Bakı ofisinin fəaliyyətini dayandırıb. Fondun indiyə qədər əməkdaşlıq etdiyi QHT-lərə isə Nyu-York və Budapeşt ofisi ilə əməkdaşlıq tövsiyə edilib. 
İqtisadi və Sosial İnkişaf Mərkəzinin sədri Vüqar Bayramov bu məlumatlarla bağlı açıqlama verib. Açıqlamada bildirilir: “Bildiyiniz kimi, mən 2 il muddətinə PASOS-un idarə heyətinə seçilmişəm və Corc Soros da bu qurumun idarə heyətinin üzvüdür. Bu ilin noyabrında “Soros Fondu”nun Baki ofisinin fəaliyyətinin məhdudlaşdırılması məsələləri ilə bağlı müzakirələrdə iştirak etmək imkanım olub.
Deyim ki, birmənalı şəkildə bu məsələdə hökumətin heç bir basqısı olmayib. Nə Nyu-York, nə də Budapeşt ofisində Azərbaycan hökumətinin “Soros Fondu”un Azərbaycandakı fəaliyyətinə müdaxiləsi müzakirə edilməyib. Əksinə, Azərbaycan “Soros fondu”na təsirlərinin az olduğu ölkələrdən hesab edilib”.
Xatirə

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!