Onun dərəcəsi çox olduqda üzün ifadəsi itir

Bu gün Azərbaycan qadınlarının gözəl və cavan görünmək üçün üz tutduqları vasitələrdən biri də botoks əməlliyyatıdır. Bəs botoks nədir, onun xeyirli və ziyanlı cəhətləri hansılardır?

Simsar.az-ın araşdırmasına görə, botoks Clostridium Botulinum adlı bakteriyadan əldə edilir, dermatoloji xəstəliklərin müalicəsində istifadə olunur. Xüsusilə, mimik qırışların qarşısını almaq üçün effektli sayılır. Qırışlar yarandığı zaman botoksa erkən yaşlarda da başlamaq olar.
Amma bu zaman botoksun dərəcəsinə xüsusi diqqət yetirilməlidir. Xüsusilə, göz ətrafında yaranan qırışların aradan qaldırılmasi zamanı botoksun dərəcəsi artıq olarsa, bu, üzün ifadəsinin itməsinə səbəb olar. Bu bölgədə qırışlar az miqdarda botoks və vitaminlərlə aparılmalı və nəticə təbii olmalıdır.

Yaşlı qadınların isə botoksu seçməsi doğru deyil. 70 yaş ərəfəsində əzələ və sinir funksiyaları pozulduğuna görə, bu cür xəstələrdə botoks əməlliyyatı edilmir. Bu yaş qrupunda mimik qırışlardan əlavə dəridə kollagen və elastin azalması ilə bağlı sallanmalar da olduğundan fərqli müalicə variantları seçilir.

Botoks fərqli uşaq xəstəliklərində, xüsusilə də miqren xəstəlliyinin müalicəsində də tətbiq olunur.

Qeyd edək ki, botoks iynə ilə tətbiq olunan bir üsuldur. 5 dəqiqə vaxt aparan bu müalicə zananı, xüsusilə, ilk anlarda ağrı olsa da, 15-20 dəqiqəyə bu hiss keçir.

Xatirə