Onlar Naxçıvanın Təhsil Nazirliyinin tabeliyinə verilib

Nazirlər Kabineti "Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" qərara dəyişiklik edib.

Nazirlər Kabinetindən cümə axşamı Trend-ə verilən məlumata görə, yeni dəyişikliyə əsasən, siyahıda ilk peşə-ixtisas təhsili müəssisələri" bölməsindən "Şərur Peşə Liseyi", "Culfa Peşə Məktəbi" və "Ordubad Peşə Məktəbi" sözləri çıxarılıb.

Təhsil Nazirliyindən isə Trend-ə bildirilib ki, yeni qərarla hər üç peşə məktəbi və "Ordubad şəhər M.Füzuli adına İnternat məktəbi" Təhsil Nazirliyinin tabeliyindən çıxarılıb. Həmin məktəblər Naxçıvan Muxtar Respublikasının Təhsil Nazirliyinin tabeliyinə verilib.