Azərbaycan Türkiyəyə 140 nəfərlik xilasetmə dəstəsi, 1250 çadır, 700 yataq dəsti, 40 generator, 5 min yorğan, 40 dəst mətbəx avadanlığı, 2 səhra mətbəxi göndərib

Simsar.az-ın Türkiyə mətbuatına istinadən verdiyi məlumata görə, siyahıda birinci yerdə Azərbaycandır. Rəsmi məlumata görə, zəlzələ baş verəndən bəri bu günə kimi Azərbaycan Türkiyəyə 140 nəfərlik xilasetmə dəstəsi, 1250 çadır, 700 yataq dəsti, 40 generator, 5 min yorğan, 40 dəst mətbəx avadanlığı, 2 səhra mətbəxi göndərib. Açıqlanmış siyahıda ikinci yeri Fransa, üçüncü yeri isə Rusiya tutur. Onlarla ölkənin əks olunduğu bu siyahıda İsrail də var.


Türkiyə mətbuatının yazdığına görə Azərbaycan Van zəlzələsi ilə əlaqədar həm də Türkiyəyə ilk yardım edən ölkədir.


Qeyd edək ki, oktyabrın 23-də Türkiyənin Van vilayətində Rixter şkalası üzrə 7,2 bal gücündə zəlzələ baş verib. Zəlzələ nəticəsində 601 nəfər ölüb, 4152 nəfər yaralanıb. Uçmuş binaların altından 188 nəfər sağ çıxarılıb. Son bir həftədə zəlzələ bölgəsində 1400-dən artıq yeraltı təkan qeydə alınıb.