Bu gün Milli Televiziya və Radio Şurasının(MTRŞ) növbəti iclası keçirilib.

Şuranın mətbuat xidmətindən Simsar.az-a verilən məlumata görə, iclasda “Azad Azərbaycan Teleradio Kompaniyası”nın televiziya və əlavə informasiya yayımı üçün xüsusi razılıq (lisenziya) müddətinin uzadılması barədə müraciətinə baxılıb. Şura “Televiziya və radio yayımı haqqında” Azərbaycan Respublikasının 2002-ci il 25 iyun tarixli 345-IIQ saylı Qanununun 22.3-cü maddəsinin tələblərini və Azərbaycan Respublikası Prezidentinin 2002-ci il 05 oktyabr tarixli 795 nömrəli Fərmanı ilə təsdiq edilmiş “Milli Televiziya və Radio Şurası haqqında Əsasnamə”nin 8.9-cu bəndini rəhbər tutaraq “Azad Azərbaycan Teleradio Kompaniyası”nın televiziya və əlavə informasiya yayımı üçün xüsusi razılıq (lisenziya) müddətinin daha 6 il uzadılması barədə qərar qəbul edib.