Venesuela prezidenti Uqo Çaves Liviyanın qətlə yetirilən rəhbəri Müəmmər Qəddafini böyük döyüşçü, inqilabçı və şəhid kimi xatırlayacağını bildirib.

Simsar.az-ın Venesuelanın “Globovision” telekanalına istinadən verdiyi məlumata görə, kilsəyə dini ayin icra etməyə gələn Uqo Çaves jurnalistlərə açıqlamasında deyib ki, Müəmmər Qəddafinin öldürülməsində ABŞ, NATO və onların müttəfiqləri günahkardırlar və bu, beynəlxalq hüququn növbəti dəfə pozulmasıdır. 

Uqo Çaves hesab edir ki, Müəmmər Qəddafi ölsə də, Liviya xalqının xarici müdaxiləyə qarşı müqaviməti dayanmayacaq: “Mən Allaha dua edirəm ki, Venesuela və bütün Latın Amerikasına sülh bəxş etsin, biz qitəmizi müharibə, müdaxilə və çevrilişlərdən qoruyaq”.