İslamçılar mənzil qərargahı geri qaytarmaq istəyir

Bu gün Azərbaycan İslam Partiyası (AİP) 10 ay bundan öncə bağlanmış mənzil qərargahı ilə bağlı respublika Baş Prokuroruna ikinci dəfə yazılı müraciət ünvanlayıb.

Bu barədə SalamNews-a AİP-in mətbuat xidmətindən məlumat verilib.

Bildirək ki, partiya təqribən bir ay əvvəl qərargahının qaytarılması üçün Baş Prokurora yazılı müraciət ünvanlamışdı. Amma təəssüflər olsun ki, bu günə qədər yazılı müraciətə heç bir cavab verilməyib. Partiya, heç bir məhkəmə qərarı olmadan bağlanmış mənzil qərargahının geri qaytarılmasından ötrü yazdığı ikinci müraciətə cavab almayacağı təqdirdə məhkəmə orqanlarına üz tutacaq. Hüquq-mühafizə orqanları tərəfindən partiyaya qarşı atılan bu addımı siyasi qurum qanuna zidd hesab edir.