Onların təhsil haqqının 40 faizini həmkarlar təşkilatları ödəyəcək

“Ötən 10 illə müqayisədə universitetlərin həmkarlar ittifaqlarında böyük inkişaf var. Yerlərdə gənclərin asudə vaxtlarının səmərəli keçirilməsi üçün nailiyyətlər əldə etmişik. Bu gün imkansız ailədən olan, amma yaxşı oxuyan 220 tələbəyə asudə vaxtlarının keçirilməsi üçün sosial yardım göstəririk”.


Lent.az-ın məlumatına görə, bunu Azərbaycan Təhsil İşçiləri Azad Həmkarlar İttifaqı (ATİAHİ) Respublika Komitəsinin sədri, millət vəkili Səttar Mehbalıyev jurnalistlərə açıqlamasında bildirib. Onun sözlərinə görə, ATİAHİ universitetlərin müraciətlərinə əsasən, hər kurs üzrə 3 imkansız, amma pullu təhsil alan tələbəyə illik ödənişin 30-40 faizinin ödənilməsini həyata keçirməyi qərara alıb.