“Demək olar ki, bütün ixtisaslar üzrə doktoranturaya sənəd verilib"

APA-nın məlumatına görə, bu barədə jurnalistlərə açıqlamasında Azərbaycan Milli Elmlər Akademiyasının prezident Mahmud Kərimov bildirib.

“Demək olar ki, bütün ixtisaslar üzrə doktoranturaya sənəd verilib. Bəzi ixtisaslar üzrə hətta böyük rəqabət var. Doktoranturaya qəbul qanunauyğun, şəffaflıq şəraitində keçiriləcək. Əfsuslar olsun ki, humanitar sahəyə maraq daha böyükdür. Bu ixtisaslar üzrə sənəd verənlər daha çoxdur. Amma mən istərdim ki, dəqiq elmlərə maraq daha böyük olsun. Çünki Azərbaycanda bu ixtisaslara daha böyük ehtiyac var”.

M. Kərimov deyib ki, doktoranturaya qəbul imtahanın günləri yaxın günlərdə Rəyasət Heyətinin iclasında müəyyənləşdiriləcək.