Amma onun nə vaxt və kimin başına düşəcəyi bilinmir

Amerikanın Milli Aerokosmik Agentliyi (NASA) UARS peykinin idarəsiz şəkildə şənbə günü yerə düşməsinin ardından Almaniyanın ROSAT peykinin də noyabr ayında yerə düşəcəyini açıqlayıb.


Almaniyanın Aerokosmik Mərkəzi 1,6 ton ağırlığında olan peykin təxminən 30 parçasının yerə qədər gələ biləcəyini açıqlayıb.

Mütəxəssislər bunlardan ən ağırlarının güzgülü hissələr ola biləcəyini bildirir.

ROSAT 2,4 ton ağırlığında və 2,20 x 4,70 x 8,90 metr böyüklüyündədi.
1990-ci ildə təxminən 550 kilometr yüksəklikdəki orbitə atılan peyk kosmosdan ilk rentgen şüalı görüntüləri əldə edib.


Peykin vəzifəsi rəsmi olaraq 1999-da sona çatıb. Bu tarixdən bəri peyk ilə əlaqə qurulmayıb. Peykin itələyici mühərriki olmadığı üçün bu metal yığınının orbitini dəyişdirmək və ya idarəli şəkildə enişinin təmin etmək mümkün deyil.

Bu səbəblə ROSAT-ın nə vaxt və dünyanın harasına düşəcəyi bilinmir.

Avropa Kosmos Agentliyi Mərkəzinin başçısı Prof. Heiner Klinkrad isə çaxnaşmaya gərək olmadığını, hər il tonlarla kosmos hissəçiklərinin planetimizə düşdüyünü ifadə edərək, "Bir insanın başına kosmos çöpü düşməsi 100 milyardda bir ehtimaldır" deyib.