Ankara Polis İdarəsi xəbərdarlıq edib, terrorçunun şəxsiyyətini müəyyənləşdirmək hələ də mümkün olmayıb
Ankarada 3 nəfərin həyatını itirməsinə, 34 nəfərin yaralanmasına səbəb olan partlayışı törədən terrorçunun kamikadze kimi növbəti partlayış törədəcəyi barədə polisə məlumat daxil olub.
Simsar.az-ın Türkiyənin NTV telekanalına istinadən verdiyi məlumata görə, Ankara Polis İdarəsi bununla bağlı bütün polis əməkdaşlarına xəbərdarlıq edib. 3 ayda 2 dəfə partlayış törədən terrorçunun 2 ayrı sürücülük vəsiqəsi və 4 şəxsiyyət vəsiqəsindən istifadə etdiyi üzə çıxıb. Şimali İraqda Qəndil Dağındakı PKK düşərgələrində peşəkar təlim keçdiyi ehtimal olunan terrorçunun görüntüsü müşahidə kameralarına düşsə də, hələ də onun şəxsiyyətini müəyyənləşdirmək mümkün olmayıb.
DİGƏR XƏBƏRLƏR