Hazırda Heydər Əliyev Sarayı ilə Akademik Milli Dram Teatrı arasındakı ərazi tam hasara alınıb.

Ərazidə 3 özül qazılıb. Onlardan birində iş gedir. Digər ikisində isə hələ işə başlanılmayıb.Bakı şəhər İcra Hakimiyyətinin adının açıqlanmasını istəməyən nümayəndəsi bildirib ki, paytaxtın baş planına əsasən, qeyd olunan ərazidə bakılıların dediyi kimi, "qış bulvarı" deyil, müasir şəhər parkı salınacaq.

"Qazılmış özüllər 3 yeraltı avtomobil dayanacağının inşası üçündür. Onlar ikimərtəbəli olacaq. Tikinti işlərinin nə vaxt başa çatdırılacağı hələ ki, məlum deyil", - deyə o, qeyd edib.

Dövlət Şəhərsalma və Memarlıq Komitəsinin şöbə müdiri Cahangir Qocayev isə ərazidə aparılan işlərin təfərrüatlarından məlumatsız olduğunu söyləyib. "Bildiyimə görə, orada park və yeraltı dayanacaqlar tikiləcək. Məndə başqa məlumat yoxdur", - deyə o, bildirib./milli.az