Sumqayıtda yaşı 65-dən yuxarı olan 11 ümumtəhsil məktəbinin direktoru təqaüdə göndərilib.

Bu haqda APA-ya Sumqayıt şəhər Təhsil şöbəsinin müdiri Vidadi Bağırov məlumat verib. O, deyib ki, bu tədbirlər qanunvericiliyə uyğun olaraq həyata keçirilib. 

Qeyd edək ki, hazırda Sumqayıt şəhərində 49 məktəb fəaliyyət göstərir. Onlardan 47-si orta ümumtəhsil, 2-si sağlamlıq imkanları məhdud olan uşaqlar üçün xüsusi məktəbdir.

Ümumtəhsil məktəblərindən 4-ü yeni tipli (3 lisey, 1 gimnaziya) təlim-tərbiyə müəssisəsidir.