Türkiyə səfirliyi sabah bu münasibətlə mərasim keçirəcək
Türkiyə səfirliyi sentyabrın 15-də Bakının Qafqaz İslam ordusu tərəfindən azad olunmasının 93-cü ildönümünə həsr olunmuş tədbir keçirəcək. Bu barədə səfirlikdən daxil olmuş press-relizdə bildirilir.
Qeyd olunur ki, səfirliyin hərbi attaşesinin təşkil etdiyi tədbir saat 11-də Türk şəhidliyini ziyarətlə başlayacaq, daha sonra səfirliyin binasındakı Nuru Paşa salonunda davam etdiriləcək.
Türkiyə səfirliyinin mətbuat müşavirliyinin verdiyi məlumata görə, saat 12.30-da Bakı Dövlət Universitetinin professoru, millət vəkili Musa Gasımlı həmin tarixi hadisəyə dair çıxış edəcək, TRT-nin Bakı nümayəndəliyinin yeni hazırladığı sənədli film nümayiş olunacaq.
Səfirlikdəki mərasimi izləmək istəyən mətbuat mənsubları bu gün saat 18.00-ə qədər Türkiyə səfirliyinin mətbuat müşavirliyinə (tel:441 39 26) müraciət etməlidirlər.