Müavinlər təyin olundu

Sentyabrın 7-də Azərbaycan İslam Partiyası (AİP) Baş Məclisinin iclası keçirilib. Qurumun mətbuat xidmətindən Simsar.az saytına daxil olan məlumata görə, Demokrat Partiyasının qərargahında keçirilən tədbirdə ictimai-siyasi və digər məsələlər müzakirə edilməklə yanaşı, rəhbərliyə yeni təyinatlar da olub. İnqilab Əhədli AİP sədrinin birinci müavini, Rövşən Əhmədli isə ictimai məsələlər üzrə sədr müavini təyin ediliblər.

İnqilab Əhədli bu təyinata qədər ictimai məsələlər üzrə sədr müavini işləyib.

Rövşən Əhmədli AİP-ə Hacı Hacıağa Nuriyevin sədrlik etdiyi dövrdə (2004-2007-ci illərdə) partiya sədrinin birinci müavini olub. 2007-ci ildə Mövsüm Səmədov AİP sədri seçiləndən sonra fəaliyyətini partiyanın sıravi üzvü kimi davam etdirib.

Mövsüm Səmədov 2011-ci ilin yanvarında tutulub. Hazırda məhkəməsi gedir. AİP sədrini hazırda Elşən Manafov əvəz edir.

AİP-in rəsmi dövlət qeydiyyatı yoxdur.