Bu il Bakıda 4 yeni məktəb binası inşa olunacaq

“2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı"na əsasən bu il Bakıda 4 yeni məktəb binasının, 2 məktəbə əlavə korpusun, 20 məktəb üçün əlavə sinif otaqlarının tikintisinin, 44 məktəb və 51 uşaq bağçasının əsaslı təmirinin, 6 məktəbdə bərpa işlərinin başa çatdırılması nəzərdə tutulub. Bakı Şəhəri üzrə Təhsil İdarəsindən (BŞTI) verilən məlumata görə, hazırda yeni dərs ili ilə bağlı Bakının bütün təhsil müəssisələrində ciddi hazırlıq işləri görülür.

Qeyd edək ki, bu il Bakının bütün siniflərində vahid məktəbli geyimi tətbiq olunacaq.