19 Avqust, 2011
Bu gün Ümumdünya Yardım Günüdür

Təhlükəsiz dünyanın qurulması uğrunda yardım göstərənlər xatırlanır

Bu gün Ümumdünya Humanitar yardım Günüdür.

Ümumdünya Humanitar yardım Gününün təsis edilməsi yeddi il əvvəl, 19 avqust 2003-cü il tarixində İraqda BMT qərargahının bombalanması nəticəsində yardım işçilərinin həlak olması ilə bağlıdır.


Bu günün əsas məqsədi insan həyatını xilas etmək üçün çalışanları xatırlamaq və bu nəcib məqsəd uğrunda həyatlarını itirən humanitar yardım işçilərinin xatirəsini yad etməkdir.


Humanitar yardım işçiləri dəhşətli hadisələr yaşamış və çox vaxt hər şeydən məhrum olan, ailəsiz, yeməksiz, sığınacaqsız, işsiz qalan, hətta pasport və ya şəxsiyyətlərini təsdiq edəcək hər-hansı sənədləri belə olmayan insanlara yenidən ayağa qalxmağa, yeni həyata başlamalarına kömək olurlar.


Bu gün həmçinin ehtiyac içində olanlar, onlara kömək etməyə çalışarkən öz həyatlarını itirənlər və üzləşdikləri təhlükələrdən çəkinməyərək, daha təhlükəsiz, daha yaxşı bir dünyanın qurulması uğrunda yardım göstərməyə davam edənlər də xatırlanır.

Aynurə

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!