Akademik Milli Dram Teatrının aktyoru, xalq artisti Yaşar Nurinin səhhətində yenidən problem yaranıb.

Yaşar Nurinin özünün verdiyi məlumata görə, problem onun ağciyəri ilə bağlı olub: “Ağciyərimdə soyuqlama vardı. Ona görə xəstəxanada idi. Təzəcə evə qayıtmışam. Şükür, indi özümü yaxşı hiss edirəm”.

60 illik yubileyinin qeyd olunmasına gəlincə, sənətkar bildirib ki, yubiley tədbiri oktyabrın 5-də Akademik Milli Dram Teatrında keçiriləcək.

Qeyd edək ki, sentyabrın 3-də Yaşar Nurinin 60 yaşı tamam olacaq.